म लाहुरे परिवारमा जन्मे पनि लाहुरे होइन तर उपन्यासको मुख्य पात्र भने लाहुरे नै रोजेँ। यसरी रोज्नुपर्ने कारणमा अरूको निम्ति लड्ने वीर गोरखाका बारेमा फाट्टफुट्ट फुटकर कथा, उपन्यासहरू लेखिएका छन्। तर, भूतपूर्व गोरखाका असली जीवनगाथा भने साहित्यमा सही रूपमा आएका छैनन्। जति आएका छन्। सुनेको भरमा सतही रूपमा छन्। यसो हुनुमा जसले भोगे उनीहरु बन्धुकधारी थिए, कलमधारी थिएनन्। आजभोलि बन्दुक र कलम सराबरी चलाउनेहरु एकसेएक निस्केका चन् तर आफ्ना भोगाइका कटु सत्यहरुलाई लेख्न किन कन्जुस्याइँ गर्छन्, मैले बुझ्न सकेको छैन। – गणेश रसिक