उपन्यास होस् या गजल, नाटक होस् या कविता, संस्मरण होस् या निबन्ध- सबै विधामा उनले हात चलाएका छन्। नेपाली विज्ञान कथा फाँटको त उनी एक्ला नक्षत्र हुन्। पुस्तकमा संगृहीत उनका कथा स्वैरकल्पना, गहन अन्तर्दृष्टिले समृद्ध बनेका छन्। तिनले पाठकलाई विचित्रको वैज्ञानिक, स्वैरकाल्पनिक संसारमा लैजान्छन्, विज्ञानले ल्याएका चरम उन्नति र विसंगतिका कुरा उठाउँछन्। यथार्थिक आख्यानमात्र पढ्न बाध्य नेपाली साहित्यका पाठकले यी कथामा छुट्टै स्वाद पाउनेछन्। -फाइनप्रिन्ट