एक चिहान उपन्यास २००७ सालको परिवर्तनपछिको सामाजिक यथार्थवादी धरातलमा आधारित प्रगतिवादोन्मुख औपन्यासिक कृति हो। यो उपन्यास वि.सं. २०११ सालको बाढी पहिरोमा परी काठमाडौँको एक नेवार किसान परिवारको एक चिहान भएको यथार्थ घटनामा आधारित भएर रचना गरिएको हो। यस उपन्यासले नेपाली समाजमा गरिब र निम्न वर्गका श्रमजीवी वर्गको दिनचर्या र उनीहरूका सामाजिक आर्थिक समस्याहरूको उठान गरेको छ।