यो कथा लेख्दा, म नेपाली लेखनको मूल थलो अर्थात् नेपाल र नेपाली साहित्यलेखनको मुख्य धारासँग जोरिइनसकेको अवस्था थियो। अर्थात् नेपाली कथालेखनको मुख्य धारासँग अनभिज्ञ रहँदाको अवस्थामा असम छँदै लेखिएका मेरा कथा नै यस सङ्ग्रहमा चन्। असमको जनजीवन, संस्कृत र संस्कारको सामूहिक नाद, सामूहिक कल्लोलको प्रभाव मेरो जीवन भोगाइमा, जीवन बँचाइमा अनि मेरो लेखनमा ज्यादै प्रगाढ रहेकोले- यी कथा नेपाली कथाका आदरणीय पाठकहरुलाई प्रचलित अर्थका नेपाली कथाभन्दा भिन्न स्वाद अनि स्वरूपका, भिन्न बान्की अनि बनोटका लाग्न सक्छन्। -अविनाश श्रेष्ठ